Fistinu di Santa Rusulìa
Fistinu di Santa Rusulìa
Rusulìa Sinibaldi (Palermu, 1130 – Palermu, 4 sittèmmiru 1170) è adurata comu santa di la Cresia Cattòlica. Patrona di Palermu, lu so cultu è unu di li chjù diffunnuti di tutta la citati e di la Sicilia sana. Lu tradizionali Fistinu di Santa Rusulìa, fistiggiatu nni l’onuri di la Santa, ammisca centinara di migghjara di cristiani ca vennu di tutta la Sicilia. Li so’ riliquî sunnu vardati nni la Cattidrali di Palermu.
Rusulìa Sininaldi nascìu nta lu 1130, cu la majurìa di li probabbilitati a Palermu, figghja di lu Conti Sinibaldu Sinibaldi, signuri di Munti di li Rosi e Chischina, mèmmiru di la famigghja di li Berardi, canusciuti comu Conti di li Marsi, famigghja ca veni di lu mpiraturi Carlu Magnu, e di la nòbili Maria Ghiscardi, niputi di lu reghi Ruggeru II di Sicilia.
E’ canusciuta pi èssiri puru la proniputi di li cardinali Berardu di li Marsi, Juvanni di Tùsculu, Liuni Marsicanu e Oderiscu di Monticassinu.
Di nica Rusulìa vivìu dintra la ricchizza nni la corti di Ruggeru e la villa di lu patri, ca s’attrova nni l’attuali quarteri di l’Oliveḍḍa. Nzinu ora lu fistinu è un granni eventu populari ca si fisteggia di lu 10 a lu 15 di giugnettu, lu quali veni prima di li cilibbrazioni religiusi di lu jornu appressu. Arrinuvatu nta lu 1974 di Rodu Santoru chiamatu di li ministraturi di l’èbbica.
La notti di lu 14 di lugliu li fistiggiamenti artìsticu-populari jùncinu a la so majuri espressioni: na granni “prucissiuni populari”, ca parti di la Cattidrali attravirsannu lu Càssaru nsinu a lu mari, passannu di la porta Filici, secunnu l’itinerariu ideali di la morti (la pesti) a la vita (la luci di li jochi di focu nta lu mari).
15 di giugnettu, jornu solenni pi la città, è l’àpici di la festa estiva; si fistèggianu nsèmmula sia lu jornu di lu ritruvamentu di lì spogghî murtali di la Santuzza (lu 15 di lugliu di lu 1624) sia lu jornu chi vìnniru purtati pi la prima vota pi la città cu na Sulenni Prucissioni duranti la quali grazî a lu cantu ” Te Deum Laudamus” la pesti si fermò cu la riduzioni di li cuntaggî e l’iniziu di li guarigioni pùbblichi di l’appistati.
Viva Palermu e Santa Rusulìa 
