Anniversariu ra bannera Siciliana
Oji si celebra l’anniversariu dâ nàscita dâ bannera siciliana.
La trisceli, chiamata puru trinacria, è lu stòrico sìmbolu dâ Sicilia.
Si tratta dâ raffigurazioni di ‘n èssiri cu tri gammi (provenienti dû grecu τρισκελής).
L’orìgini di stu sìmbolu è Neolitica, havi na storia articulata e cumplessa, è similari a sìmboli di àutri civiltà antichi, comu chidda cèltica, e di diversi zuni geogràfichi dû pianeta, dû centru América, comu dâ Mesopotamia e di l’India.
Li culuri, pusiziunati a la riversa rispettu a chidda di oji chi rapprisenta la Regiuni Siciliana, aduttata nta l’annu 2000, avìssiru a èssiri sìmbolu di l’unioni di chiddi di li cità di Palermu (capufila pi quantu riguarda la ribellioni) e di Cunigghiuni, ca si juncìu pi prima nni la rivoluzioni chi vitti li Siciliani nfruntàrisi cu li francisi.
Palermu era la capitali nsinu a li tempi di l’Emiratu àrabu di Sicilia.
Cunigghiuni era impurtanti centru agrìculu e civili di lu territoriu internu sicilianu.
Nnû 1296, cu l’acchianata di Federicu III a lu tronu di Sicilia, s’introducìu chidda chi sarrà la bannera dû Regnu di Sicilia nsinu a lu 1816.
Nnâ rivoluziuni dû 1848, pi l’esattizza lu 27 di maju, la Trinacria, misa a lu centru dû triculuri italianu, fu aduttata comu sìmbolu di l’isula dû Palarmentu Sicilianu:
“Lu Parlamentu decreta: a pàrtiri di oji lu stemma dâ Sicilia sia lu signu dâ Trinacria senza nudda ligenna. Fattu e deliberatu n’ Palermu lu 28 di marzu di lu 1848”.
Giuvintú Siciliana Lìbira renni onuri a la propia bannera e travagghia affinchì vegna ammustrata nta tutti l’edifici di l’istituti scolàstici di ogni òrdini e gradu, accussì comu rìcita la liggi appruvata nta l’annu 2000.
Viva la bannera Siciliana! 🔥🔥
