Anniversariu du Statu Siciliano
Oji ricurri lu 77 anniversariu dâ firma dû Statutu dâ Regiuni Siciliana promulgatu lu 15 di maju di lu 1946; sta festa fu vuluta nni lu 2010 di l’allura Presidenti di la Regiuni Siciliana.
Lu Statutu d’Autonomìa fu cunquistatu cu li moti di l’indipendentisti, doppu l’ammazzatina di Murazzu Ruttu, unni mureru li rivoluzionari siciliani Antoniu Canepa, Carmelu Rosano, Giuseppi Lo Giudice.
‘A Sicilia fu la prima di li regiuni italiani a aviri un Statutu propiu; chistu successi prima ca nascissi la Repùbblica; quinni, prima dû referendum di lu 2 di giugnu di lu 1946.
Nta la nostra ìsula li militanti separatisti èranu tanti e vulìanu l’indipinnenza da l’Italia; fu pi chistu ca ni fu cuncessu prestu lu Statutu.
Lu 15 di maju, cu un Reggiu Decretu, lu re Umbertu promulgava lu Statutu e proclamava lu dirittu a l’indipinnenza.
Ricurdamu oji a cu’ pirdìu la vita pi ottiniri stu granni obiettivu, ma senza nuddu risultatu picchì lu pattu ntra la Sicilia e l’Italia, chiamatu Statutu d’Autonomìa”, ha statu tradutu di lu Statu italianu. Pi tali mutivu oji è un jornu ca havi a sèrviri a li siciliani pi pigghiari cuscenzia di la storia e cultura, grazî a li quali la Sicilia è di cunsidiràrisi comu na Nazioni cu na propia Costituzioni.
