Analisi su lu pontì di lu Strittu
Oji parramu di lu ponti nta lu strittu, cunsidirannu ca lu ministru di li nfrastrutturi addumannau li funni a traversu na liggi pi la so construzioni.
Lu ponti nta lu strittu è n’arma di cassariamentu di massa: na vota ca nun si sapi chjù comu babbiàrisi di li Siciliani, si cunta lu cunticeḍḍu ca si vivissi megghju siḍḍu la Sicilia fussi allazzata cu l’Italia, comu siḍḍu fussi lu Sarbaturi di tutti li mali.
N’operazioni di stu gèniru nun pò èssiri mai a gratis. Ci àvi a èssiri na tassa di pagari e un ringu accussì longu pi lu mbrogghju luggìsticu, e pi chista scaçiuni va a custari chjù assai o chjù picca di lu ferrabbottu, e si sparagnàssiru 10 minuti di màchina. Adunca, lu preu putissi èssiri chiḍḍu di lu transportu chjù ràpidu o di li costi di transportu pò èssiri a lu cuntrariu a traversu l’insularitati, arricupigghjatu cu lu transportu gratuitu pi li fruntaleri, liggi di la quali li risidenti avìssiru lu dirittu, garantitu di lu Trattatu supra lu Funzionamentu di l’Unioni Auropea (TFUA).
E’ fàusu abbanniari ca li Regiuni nsulari sunnu pòviri e chiḍḍi di lu cuntinenti chjù ricchi.
Cunsidirannu ca a tutti li Regiuni e a li Stati nsulari di l’Auropa (Irlanda, Canarî, Còrsica, Sardigna, Malta, li gisiri di l’Egeu) nun ci aggiòvanu nuḍḍu ponti, la nsularitati ca pò èssiri ‘n handicap a l’accuminzagghja, po addivèniri benifiziu criannu nu Status Spiciali pi zoccu cuncerni l’ecunumìa, la munita, la finanza e tuttu chiḍḍu ca veni appressu.
Adunca, un prugettu fattu di foḍḍi di chiḍḍi ‘n funnu, ca affinaita la Sicilia ‘n locu di mittìrila a lu centru di lu munnu, comu sempri à statu pi so natura e comu sempri avissi a èssiri.
Adunca, èssiri isulanu è un fattu d’identitati, ca senti diri èssiri na Nazioni. Nun po èssiri cuincidenzia siḍḍu Mussulini vulìa bruvicari lu Strittu di Missina pi nun farì chjù di la Sicilia n’ìsula.
Nuiàutri semu firmamenti cuntrari a sta granni òpira inùtili, e luttamu pi nun fàrila rializzari. Lu Statu talianu s’àvi a addunari ca la Sicilia è n’ìsula e comu tutti li àutri ìsuli, unu ci po agghicari cu l’aèriu o cu lu ferrabbottu. 
